Ողջունում եմ Ձեզ Համահայկական խաղերի համաշխարհային կոմիտեի պաշտոնական կայքում: Հայրենիքում համահայկական խաղեր անցկացնելու գաղափարը և դրանց իրականացումը նպաստում է ոչ միայն մարզական կյանքի ակտիվացմանը, այլև Հայաստան-Սփյուռք կապի ամրապնդման և զարգացման ամենահաջողված դրսևորումներից է: Խաղերի տարեցտարի մեծացող աշխարհագրությունը և մարզիկների թվի աճը վկայում են այս խաղերի ուժի մասին, որը համախմբում և հայրենիք է բերում հազարավոր հայ երիտասարդների աշխարհի տարբեր անկյուններից: Հուսով եմ, որ հայրենիքի միավորող ուժը և սպորտի առողջ մրցակցային ոգին այսուհետ նույնպես կպարգևեն անմոռանալի պահեր համահայկական խաղերի մասնակիցներին: Համահայկական խաղերի համաշխարհային կոմիտեի նախագահ` Իշխան Զաքարյան